საერთაშორისო რესპუბლიკური ინსტიტუტის (IRI) კვლევის შედეგების თანახმად, ბიძინა ივანიშვილს ნდობას გამოკითხულთა 49% უცხადებს.

როგორც "ივერონს" ინფორმირებულმა წყარომ აცნობა, კითხვას, "ენდობით თუ არა ბიძინა ივანიშვილს?" დადებითი პასუხი რესპონდენტთა სწორედ 49%-მა გასცა. გამოკითხულთა 21 %-მა კითხვაზე პასუხის გაცემისგან თავი შეიკავა.

ამასთან, როგორც "ივერონს" ინფორმირებულმა წყარომ განუცხადა, "ბიძინა ივანიშვილის რეიტინგი მაღალია როგორც თბილისში, ასევე რეგიონებში".

შეგახსენებთ, რომ IRI პოლიტიკურ პარტიებს კვლევის შედეგებს 1 მაისიდან აცნობს.