სპეცრაზმის მებრძოლებმა მახაჭყალას ერთ-ერთ საცხოვრებელ სახლში გამაგრებული ბოევიკი მოკლეს. ამის შესახებ ინფორმაციას "ლენტა.რუ" "ინტერფაქსსა" და ეროვნულ ანტიტერორისტულ კომიტეტზე დაყრდნობით ავრცელებს.
ბოევიკი ბუინაკსკელი 20 წლის მანსურ მაჰმუდ ნიდალია.
სააგენტოს ინფორმაციით, იგი მახაჭყალის ბანდ-დაჯგუფების წევრია, რომელსაც 3 მაისს კავშირი ჰქონდა ტერორისტულ აქტთან, რის შედეგადაც დაღესტნის დედაქალაქში 13 ადამიანი დაიღუპა.
ბოევიკი წუხელ საცხოვრებელ სახლში იქნა ბლოკირებული, მასთან ერთად სახლში იმყოფებოდა ნიდალის თანამოაზრე, სამი ქალი და ორი ბავშვი.

დილისთვის მომლაპარაკებელმა მძევლების გათავისუფლება შეძლო, თანამონაწილე ჩაბარდა, ხოლო ნიდალმა სპეცრაზმელთა მიმართულებით ყუმბარა ისროლა, რის შემდეგაც ის მოკლეს.

არაოფიციალური ინფორმაციით, 150-200-კაციანი ახალგაზრდების ჯგუფი სპეცოპერაციის ჩატარების ადგილას ძალოვნებისთვის გზის გადაკეტვით ცდილობდა ხელშეშლას.