აზერბაიჯანის ვიცე-პრემიერის, იძულებით გადაადგლილებულ პირთა სახელმწიფო კომიტეტის თავმჯდომარის, ალი გასანოვის განცხადებით, "თუ სომხეთი საოკუპაციო პოლიტიკას არ შეწყვეტს, აზერბაიჯანის შეიარაღებული ძალები ნებისმიერ დროს მზად არიან სომხეთის მიერ ოკუპირებული ტერიტორიები გაათავისუფლოს".

"სახელმწიფოს მეთაურმა არაერთხელ განაცხადა, რომ აზერბაიჯანი არასდროს შეურიგდება უსამართლობას. ეს განცხადება დღესაც ძალაშია. ბოლო დღეებში ფრონტის ხაზზე სომხეთის მხრიდან ადგილი ჰქონდა დივერსიებს, რომელსაც 5 აზერბაიჯანელი სამხედრო შეიწირა. ვფიქრობ, ეს პროვოკაცია ამერიკის შეერთებული შტატების სახელმწიფო მდივნის რეგიონში ვიზიტის წინააღმდეგ იყო მიმართული. უთუოდ რიგმა სახელმწიფოებმა, რომლებიც სომხეთს ლობიერებენ და ეს ვიზიტი არ აწყობდათ, ამ ინცინდენტს ორგანიზება გაუკეთეს", - განაცხადა ალი გასანოვმა.

მისივე თქმით, "ზოგიერთი საერთაშორისო ორგანიზაციის და ზოგიერთი ქვეყნის ცარიელი განცხადებებით ამ საკითხის გადაწყვეტა შეუძლებელია".

"ეუთოს მინსკის ჯგუფის ბოლო განცხადება შეიძლება არაფრისმომტანად ჩაითვალოს. ბოლო 20 წლის განმავლობაში, ეუთოს ჯგუფი და სხვა სახელმწიფოები არაერთხელ გამოვიდნენ განცხადებებით, რომელიც მოუწოდებდა მოწინააღმდეგე მხარეს თავი შეეკავებინათ ომისგან, მაგრამ თვითონ ამისთვის პრაქტიკულად არაფერს არ აკეთებდნენ. განცხადებების გაკეთება და ამასთან კონკრეტული ნაბიჯების არგადადგმა, მარტივია", - აღნიშნა მან.

ირინა არდაშელია